Guión: Ri kich’ojib’al k’aslemal ri achamaq’i’, jun atowab’äl xjuch’ kuma ri tinamital pa ri juna’ 2007. Re wuj re’ nusöl chi qawäch achike ri k’o chi nikib’än chuqa’ ri man ruk’amon ta nikib’än ri chanpomanela’ chi ruya’ik kiq’ij ri kich’ojib’al ri qawinaq. Ri ro’ mokaj tzij richin re q’alajrisanem re’ ke re’ nub’ij:
Ri achamaq'i' k'o kich'ojib'al richin nkichajij chuqa' nkiya' ri to'ob'äl chupam ri kimolojri'ïl ri akuchi' kinuk'un ri kina'ojil, ri kitaqonem tzij, ri kipwaq, ri winaqi' chuqa' ri kib'anob'al, chuqa' k'o kich'ojib'al, we rije' nkajo' k'o chuqa' ki'aponem chupam ri rub'eyal ri kina'ojil, kipwaq, chuqa' ri kib'anob'al ri Saqamaq'.
Re mokaj tzij re’ nub’ij chi qe chi ri tinamït e qawinaq tikirel tikichajij ri rub’eyal kinuk’un qa ki’, xa tiya’öx ruchuq’a’. Achi’el, jun tinamït kan k’o rub’eyal kinuk’un qa ri k’amöl taq kib’ey chuqa’ ja rije’ e k’o apo pa runuk’ulem ri Saqamaq’.
Ch’aqa chik rutzijol nawil pa cs.org/derechos
Musicalización: “Nan Tat”, K'oxomal Winaqil