Guión: Ri kich’ojib’al k’aslemal ri achamaq’i’, jun atowab’äl xjuch’ kuma ri tinamital pa ri juna’ 2007. Re wuj re’ nusöl chi qawäch achike ri k’o chi nikib’än chuqa’ ri man ruk’amon ta nikib’än ri chanpomanela’ chi ruya’ik kiq’ij ri kich’ojib’al ri qawinaq.Ri ruwuq mokaj tzij richin re q’alajrisanem re’ ke re’ nub’ij:
1. Konojel ri winaqi' ri e achamaq'i' k'o kich'ojib'al chi rij ri kik'aslem, ri utziläj kich'akul, chuqa' ri kib'eyana'oj, ri jamalil chuqa' ri kichajixik ri winaqi'.
2. Ri achamaq'i' k'o kich'ojib'al richin yek'ase' chupam ri kitamït po mani ri k'ayewal, chuqa' ri utziläj kik'ojlem, chuqa' kichijaxik ri jalajöj taq tinamït, chuqa' mani nk'ut chi kiwäch ri kikamisaxik winaqi' chuqa' jalajöj kiwäch ri oyowal, chuqa' ri ruq'axaxik ri ak'wala' kik'in ch'aqa' chik taq moloj.
Re mokaj tzij re’ ke re’ nub’ij chi qe: jun qawinaq naläx ruk’amon chik pe ruch’ojib’al ri k’aslem, majun ta jun chik winäq rajaw ri ruk’aslem kan rija’ rajaw ruk’aslem. Ri taq ak’wala’ e qawinaq man tikirel ta chuqa’ man ruk’amon ta yemaj el chi ke kite’ kitata’, ye’uk’wäx el pa tijob’äl juk’an chik we ri te’ej tata’aj man nikajo’ ta.
Ch’aqa chik rutzijol nawil pa cs.org/derechos
Musicalización: “Paxil Kyopa'”, K'oxomal Winaqil