Guión: La Ri kich’ojib’al k’aslemal ri achamaq’i’, jun atowab’äl xjuch’ kuma ri tinamital pa ri juna’ 2007. Re wuj re’ nusöl chi qawäch achike ri k’o chi nikib’än chuqa’ ri man ruk’amon ta nikib’än ri chanpomanela’ chi ruya’ik kiq’ij ri kich’ojib’al ri qawinaq.
Ri mokaj tzij 21 richin re q’alajrisanem re’ ke re’ nub’ij:
1. Ri achamaq'i' k'o kich'ojib'al, mani yetz'ilöx, ruma rije' tikirel nkib'än ri utziläj pa ruwi' ri kipwaq, chuqa' chi kikojöl ri winaqi', chuqa' ch'aqa' chik taq kojolem, achi'el chupam ri tijonïk, samaj, tijonem chuqa' ri k'ak'a' taq etamab'äl chi ke ri samajela', kochoch ri winaqi', ruch'ajch'ojil ri ch'akulaj, ri raxnaqil, chuqa' ri winaqil jikonem.
2. Ri Saqamaq' xtikikanoj jalajöj rub'eyal richin njikib'äx ri utziläj rub'eyal ruk'ojlem ri kipwaq chuqa' ri winaqi'. Chuqa' tiya' rejqalem ri kich'ojib'al chuqa' ri kirayib’al ri rijita’q winaqi', ri ixoqi', ri xtani' chuqa' ri alab'oni' chuqa' ri winaqi' ri e achamaq'i' ri man e tz'aqät ta.
Rej un mokaj tzij re’ ja re’ nuq’ajuj: Ri tinamït qawinaq k’o kich’ojib’al pa ruwi’ rutzil kik’aslem, k’atzinel kipwaq, ri chanpomanela’ xtikikanoj rub’anik richin kito’ik ruma jantape’ e mestan kan e jech’un kan, achi’el ri taq rijita’q chik, ri ixoqi’, ri ixtani’ alab’oni’, ri ak’wala’ chuqa’ ri man e tz’aqät ta pa kich’akul.
Ch’aqa chik rutzijol nawil pa cs.org/derechos
Musicalización: “Iyom- Mamom”, K'oxomal Winaqil