Guión: Ri kich’ojib’al k’aslemal ri achamaq’i’, jun atowab’äl xjuch’ kuma ri tinamital pa ri juna’ 2007. Re wuj re’ nusöl chi qawäch achike ri k’o chi nikib’än chuqa’ ri man ruk’amon ta nikib’än ri chanpomanela’ chi ruya’ik kiq’ij ri kich’ojib’al ri qawinaq.
Ri mokaj tzij 22 richin re q’alajrisanem re’ ke re’ nub’ij:
1. Xtiya' rejqalem pa ruwi' ri kich'ojib'al chuqa' ri kirayinem ri rijita'q winaqi', ri taq ak'wala', chuqa' ri winaqi' ri e achamaq'i' ri man e tz'aqät ta, k'o chi niya' kejqalem chupam re jun q'alajirisanem re’.
2. Ri Saqamaq' xtikikanoj rub'eyal kik'in kito'ik ri achamaq'i', richin nkijikib'a' ri kichajixik ri ixoqi' chuqa' ri taq ak'wala' ri e achamaq'i' kekikot ruma yechajïx chi kiwäch ri jalajöj taq oyowal chuqa' chuwäch ri tz'ilanem.
Re mokaj tzij re’ ja re’ nuq’ajuj: Ri chanpomanela’ xtikijikib’a’ chi tiya’öx rejqalem kich’ojib’al konojel ri qawinaq: ri taq rijita’q chik, ri ixoqi’, ri ixtani’ alab’oni’, ri ak’wala’ chuqa’ ri man e tz’aqät ta pa kich’akul. Ri chanpomanela’ xtikiya’ rejqalem chi ri ixoqi’ chuqa’ ri ak’wala’ qawinaq man ketz’ilöx man kejech’üx kan.
Ch’aqa chik rutzijol nawil pa cs.org/derechos
Musicalización: “Iyom- Mamom”, K'oxomal Winaqil