Guión: Ri kich’ojib’al k’aslemal ri achamaq’i’, jun atowab’äl xjuch’ kuma ri tinamital pa ri juna’ 2007. Re wuj re’ nusöl chi qawäch achike ri k’o chi nikib’än chuqa’ ri man ruk’amon ta nikib’än ri chanpomanela’ chi ruya’ik kiq’ij ri kich’ojib’al ri qawinaq.
Ri mokaj tzij 23 richin re q’alajrisanem re’ ke re’ nub’ij:
Ri achamaq'i' k'o kich'ojib'al richin nkijikib'a' chuqa' runuk'ik jalajöj rub'eyal kisamaj richin ri kik'iyirisanem. Achi'el ri achamaq'i' k'o kich'ojib'al richin nkinük' jalajöj taq samaj pa ruwi'
9 ri raxnaqil, kochoch winaqi' chuqa' ch'aqa' chik taq samaj pa ruwi' ri kipwaq chuqa' pa kiwi' ri winaqi', ruma nkiya' rejqalem richin nkisamajij jalajöj taq samaj chupam ri kimolojri'ïl.
Re jun mokaj tzij re’ ja re’ nuq’ajuj: Ri tinamït qawinaq k’o kich’ojib’al pa ruwi’ rucha’ik achike rub’eyal k’atzinel nib’an chi ruk’iyinem ri tinamït. Ri chanpomanela’ k’o chi yekito’ chi rub’anik ri samaj, pa rub’eyal kinuk’un qa ki’ rije’, pa rub’eyal ri nik’atzin chi ke pa ri uxnaqilal, pa rub’anik kochoch chuqa’ ch’aqa chik.
Ch’aqa chik rutzijol nawil pa cs.org/derechos
Musicalización: “Iyom- Mamom”, K'oxomal Winaqil