Guión: Ri kich’ojib’al k’aslemal ri achamaq’i’, jun atowab’äl xjuch’ kuma ri tinamital pa ri juna’ 2007. Re wuj re’ nusöl chi qawäch achike ri k’o chi nikib’än chuqa’ ri man ruk’amon ta nikib’än ri chanpomanela’ chi ruya’ik kiq’ij ri kich’ojib’al ri qawinaq.
Ri mokaj tzij 28 richin re q’alajrisanem re’ ke re’ nub’ij:
1. Ri achamaq'i' k'o kich'ojib'al richin nib'an utzil ri ch'a'oj kilon, chuqa' titzolix ri majon chi ke, chuqa' toq tikirel k'o chi niya' jun utziläj kitojik kuma ri kulew chuqa' ri to'ob'äl xkokisäx pa jalajöj rub'eyal, chuqa' xmaj chi ke, chuqa' xkitz'ila' kulew ri achamaq'i' we man xk'utux ta chi ke, we nkiya' q'ij o manäq.
2. Ri tinamït ri k'o kirayib’al niya' jun kitojik ruma ri ch'a'oj xb'an chi ke, xtiya' kulew chuqa' to'ob'äl ri junam rejqalem chuqa' junam rupalem achi'el ri kulew ri xmaj, k'o chi nkokisäx rub'eyal ri taqonem tzij, o tiya' kitojik rik'in pwaq o chuqa' jun chik rub'eyal rutojik.
Re jun mokaj tzij re’ ja re’ nuq’ajuj: Ri tinamït e qawinaq k’o kich’ojib’al chi keto’öx toq majon ri kulew, toq b’anon itzelal chi ke ri kulew, xa majun ya’on rutzijol chi ke, majun xek’ulb’ëx pa ruwi’. Ri to’ïk, ja ri rutzolixik ri kulew o rutojik rajil ri kulew, k’o chi pa rub’eyal nib’an chi re.
Ch’aqa chik rutzijol nawil pa cs.org/derechos
Musicalización: “Nan Tat”, K'oxomal Winaqil