Guión: Ri kich’ojib’al k’aslemal ri achamaq’i’, jun atowab’äl xjuch’ kuma ri tinamital pa ri juna’ 2007. Re wuj re’ nusöl chi qawäch achike ri k’o chi nikib’än chuqa’ ri man ruk’amon ta nikib’än ri chanpomanela’ chi ruya’ik kiq’ij ri kich’ojib’al ri qawinaq.
Ri mokaj tzij 40 richin re q’alajrisanem re’ ke re’ nub’ij.
Ri achamaq'i' k'o kich'ojib'al richin junam kesamäj kik'in ri Saqamaq', chuqa' kik'in ri ch'aqa' chik taq molojri'ïl, ri rub'eyal rub'anon ri samaj ri man e ütz ta, chuqa' aninäq tikib'ana' utzil ri samaj richin ütz nub'än, chuqa' tikib'ana' utzil ri k'ayewal kilon ri winaqi' ruma kilon k'ïy ch'a'oj pa ruwi' ri kich'ojib'al kik'aslem chuqa' ri kich'ojib'al richin yechajïx chupam ri kitinamit. Chupam ri samaj ri kijikib'an, tikiya' kejqalem ri ojer taq k'utb'äl, ri b'anob'äl, ri jalajöj kitaqonem taq tzij ri achamaq'i', chuqa' ri taqonem tzij ri e k'o juk'an chik tinamït chi rij ri kich'ojib'al k'aslemal ri winaqi’.
Rej un mokaj tzij re’ ja re’ nuq’ajuj: Ri tinamït e qawinaq k’o chi niya’öx rejqalem rusolik xa b’achike k’ayewal kik’in ri chanpomanela’ toq k’o kik’ayewal ruma nixolq’otïx ri kich’ojib’al. Pa ronojel re’ k’o chi niya’ rejqalem ruma e qawinaq, tiya’ rejqalem ri kib’anob’al, ri kitaqonem tzij. We niq’aj nixolq’otïx ri kich’ojib’al ri qawinaq, rije’ k’o chi nitzolïx rajil chi ke.
Ch’aqa chik rutzijol nawil pa cs.org/derechos
Musicalización: “Paxil Kyopa'”, K'oxomal Winaqil