Ri Kich'ojib'al k'aslemal ri achamaq'i. Tanaj 08.

Guión: Ri kich’ojib’al k’aslemal ri achamaq’i’, jun atowab’äl xjuch’ kuma ri tinamital pa ri juna’ 2007. Re wuj re’ nusöl chi qawäch achike ri k’o chi nikib’än chuqa’ ri man ruk’amon ta nikib’än ri chanpomanela’ chi ruya’ik kiq’ij ri kich’ojib’al ri qawinaq. Ri ruwaqxaq mokaj tzij richin re q’alajrisanem re’ ke re’ nub’ij:

1.   Ri  tinamït chuqa' ri winaqi' ri e achamaq'i' k'o kich'ojib'al richin mani nkïl k'ayewal richin mani nkitz'ila' ri kib'anob'al.

2.   Ri Saqamaq' xtikikanoj jalajöj taq rub'eyal richin ruq'atik chuqa' rub'anik utzil ri ch'a'oj:

1. Ronojel ri b'anem ri nuya' rutojb'alil chi kij ri tinamït chuqa' chi kij ri winaqi' ri e achamaq'i' ri e k'o chupam ri jalajöj taq kitinamit o chuqa' rejqalem ri kib'anob'al o ri kib'anikil ri winaqi',
2. Ronojel ri b’anem ri nuya’ rutojb’alil ruma rumajik ri kulew, ri kitinamit chuqa’ ri to’ob’äl. 5
3. Ronojel ri choj nch'ij rub'ixik chi ke ri winaqi' richin yeq'axëx juk'an chik tinamït we rije' man nkajo' ta,  nuya’ rutojb’alil  chuqa’ oyowal o nuqasaj kiq'ij ri xa b'a achike na  kich'ojib'al k'aslemal;
4. Ronojel ruwäch k’amil o nutunem ri man pa rub’eyal ta nkib’än;
5. Ronojel ruwäch rutzijol ri xa nuya’ tz’ilanem kik’in ri jalajöj winaqi’.

Re mokaj tzij re’ ke re’ nub’ij chi qe: Ri tinamït e qawinaq k’o kich’ojib’al pa ruwi’ ri kib’anob’al, man ruk’amon ta niyoq’ chuqa’ man tikirel ta nib’ix chi ke ri winaqi’ chi tikijala’ ri kib’anikil. Ri Saqamaq’ k’o chi nuchajij re jun peraj re’ chi man tib’an ke re’ chi ke ri qawinaq, ke k’a chuqa’ ri’ pa ruwi’ ruchajixik ri kulew xa b’achike ri wachinäq ri k’o nïm rejqalem pa kina’oj qa rije’.

Ch’aqa chik rutzijol nawil pa cs.org/derechos

Musicalización: “Paxil Kyopa'”, K'oxomal Winaqil