Guión: Ri kich’ojib’al k’aslemal ri achamaq’i’, jun atowab’äl xjuch’ kuma ri tinamital pa ri juna’ 2007. Re wuj re’ nusöl chi qawäch achike ri k’o chi nikib’än chuqa’ ri man ruk’amon ta nikib’än ri chanpomanela’ chi ruya’ik kiq’ij ri kich’ojib’al ri qawinaq. Ri mokaj tzij 12 richin re q’alajrisanem re’ ke re’ nub’ij chi qe:
1. Ri achamaq’i’ k’o kich’ojib’al richin kiq’alajirisaj, nkib’än, nkik’iyirisaj chuqa’ nkik’ut ri ojer taq k’utb’äl chuqa’ ri kixukulem, chuqa’ ri nimab’äl k’u’x chuqa’ ri kib’anob’al, tiya’ kejqalem rije’; 6 tikokisaj chuqa’ tikichajij ri kiwachinäq ri nk’atzin chi ke toq nkib’än ri xukulem, chuqa’ tiya’ ri tzolitinamït chi rij ri kib’aqil ri ojer winaqi’.
2. Ri Saqamaq’ k’o chi nkiya’ q’ij richin nib’an ri tzolitinamït chi rij ri wachinäq ri nk’atzin toq nib’an jun xukulem, chuqa’ ri kib’aqil ri ojer winaqi’ po k’o chi ch’ajch’oj ri samaj nib’an chi re ruma ja re’ kinuk’un jujun taq achamaq’i’.
Re jun mokaj tzij re’ ke re’ nub’ij chi qe: Ri tinamït e qawinaq k’o kich’ojib’al pa rusamajixik ri kinimab’al k’u’x ke k’a chuqa’ ronojel ri kib’anob’al. Ri chanpomanela’ xtikixim samaj kik’in ri tinamït e qawinaq richin majun tiq’aton kichin ye’ok akuchi’ rije’ nïm rejqalem chi kiwäch, achi’el jun rulewal ulew, ruchajil jun kach’alal kaminäq chik el, chuqa’ rutzolixik we majon chi ke.
Ch’aqa chik rutzijol nawil pa cs.org/derechos
Musicalización: “Ruk'u'x kotz'i'j”, K'oxomal Winaqil