Guión: Ri kich’ojib’al k’aslemal ri achamaq’i’, jun atowab’äl xjuch’ kuma ri tinamital pa ri juna’ 2007. Re wuj re’ nusöl chi qawäch achike ri k’o chi nikib’än chuqa’ ri man ruk’amon ta nikib’än ri chanpomanela’ chi ruya’ik kiq’ij ri kich’ojib’al ri qawinaq. Ri mokaj tzij 14 richin re q’alajrisanem re’ ke re’ nub’ij chi qe:
1. Ri achamaq’i’ k’o kich’ojib’al richin tikirel nkichajij ri jalajöj taq kimolojri’ïl ri tinojela’ ri nkiya’ tijonïk pa kich’ab’äl, rik’in rokisaxik rub’eyal ruk’utik chuqa’ etamanem chi rij ri kitijonik pa ruwi’ ri kib’anob’al.
2. Ri winaqi’ ri e achamaq’i’, achi’el ri ak’wala’, k’o kich’ojib’al pa ruwi’ ronojel ri rupalb’al tijonïk chuqa’ ri jalajöj rub’eyal ri tijonïk ri nuya’ ri Saqamaq’, po mani yetz’ilöx ri ak’wala’.
3. Ri Saqamaq’ chuqa’ ri achamaq’i’ k’o chi nkikanoj rub’eyal richin tikiya’ kito’ik ri winaqi’ ri e achamaq’i’, achi’el ri ak’wala’, chuqa’ winaqi’ ri e k’äs juk’an chik taq tinamït, toq tikirel tiya’ kitijonik richin nkik'ül etamab'äl pa ruwi' ri kib’anob’al chuqa’ pa kich’ab’äl.
Re mokaj tzij re’ ke re’ nuq’ajuj: Ri tinamït e qawinaq k’o kich’ojib’al chi yekinük’ qa kitijob’al akuchi’ nokisäx ri kich’ab’äl kan pa rub’eyal qa ri kina’oj. Ri ak’wala’ qawinaq junam kiq’ij kejqalem kik’in ri ch’aqa chik keb’e pa tijob’äl, man ruma ta qawinaq yejech’üx kan. Ri chanpomanela’ k’o chi nkichajij chi ri qawinaq man kejech’üx kan, tikik’ulu’ rutzil ri tijonïk nuya’ ri Saqamaq’ achi’el ri ch’aqa chik winaqi’, tuya’ rejqalem ri b’anob’äl, tuya’ rejqalem ri ch’ab’äl chuqa’ ri kich’ojib’äl qawinaq. Ri chanpomanela’ k’o chi tikichajij chi ri ak’wala’ qawinaq e k’äs pa taq ruq’a’ tinamït k’o chi keb’e pa tijob’äl ketijöx pa kina’oj pa kich’ab’äl.
Ch’aqa chik rutzijol nawil pa cs.org/derechos
Musicalización: “Ruk'u'x kotz'i'j”, K'oxomal Winaqil