Guión: Ri kich’ojib’al k’aslemal ri achamaq’i’, jun atowab’äl xjuch’ kuma ri tinamital pa ri juna’ 2007. Re wuj re’ nusöl chi qawäch achike ri k’o chi nikib’än chuqa’ ri man ruk’amon ta nikib’än ri chanpomanela’ chi ruya’ik kiq’ij ri kich’ojib’al ri qawinaq.
Ri mokaj 27 richin re q’alajrisanem re’ ke re’ nub’ij:
Ri Saqamaq' tikiya' rejqalem chuqa' tikokisaj junam kik'in ri achamaq'i' ri k'o kirayib’al, jun samaj junam, chuqa' pa kiyonil yesamäj, chuqa' junam ri kina'oj, chuqa' ch'ajch'oj ri samaj nkib'än chi re, ruma k'o chi nkiya' rejqalem ri taqonem tzij, ri ojer taq k'utb'äl, ri b'anob'äl chuqa' runuk'ulem ri kulew ri achamaq'i', richin niya' kejqalem chuqa' tikitz'aqatisaj ri kich'ojib'al ri achamaq'i' rik'in ri kulew chuqa' ri to'ob'äl ri k'o kik'in o chuqa' ri kokisan chik pa jun chik rub'eyal. Ri achamaq'i' k'o kich'ojib'al richin tikirel yek'oje' chupam re jun samaj re'.
Re jun mokaj tzij re’ ja re’ nuq’ajuj: Ri chanpomanela’ xtikiya’ ruq’ij rejqalem ri rub’eyal kina’oj ri qawinaq pa ruchajixik ri ulew chuqa’ ri che’ q’ayïx, xtusamajij chi tiya’ rejqalem kuma ri ch’aqa chik winaqi’ jun wi kina’oj jun wi kib’anob’al. Ri tinamït qawinaq k’o chi nikik’ül to’ïk chi kiq’a’ ri chanpomanela’ pa ruchajixik ri kulew.
Ch’aqa chik rutzijol nawil pa cs.org/derechos
Musicalización: “Nan Tat”, K'oxomal Winaqil